අඩු මිල වැඩ වැඩි නෙට්බුක් එළිදකී.

ලැප්ටොප් මෙන්ම ඩෙස්ක්ටොප් පරිඝණකවල අලෙවිය මේ වන විට එක්තරා මට්ටමකට පහළ බැස ඇත. ඒ වෙනුවට ලෝකයේ වැඩිපුරම අලෙවි වන පරිඝණක වර්ගය වන්නේ නෙට්බුක් පරිඝණකයි. මෙම නෙට්බුක් පරිඝණක රැල්ලට අලුතින්ම එක්වු සාමාජිකයා වන්නේ Intex Technologies ආයතනයයි.

ඔවුන්ගේ පළමු නෙට්බුක් පරිඝණකය පසුගිය වසරේ අගෝස්තු මාසයේ වෙළෙඳපොළට හඳුන්වාදෙන ලදී. කිලෝග්‍රෑම් 1.2 ක බරකින් යුත් මෙය නම්කර තිබුණේ Intex N101-WC1100 යන නමිනි. සාමාන්ය නෙට්බුක් පරිඝණකයක් ලෙස පෙනුණත් ලෝකයේ වැඩිම අලෙවියක් ඇති පරිඝණක බවට මෙය පත්වී ඇත. මෙයට හේතුව වන්නේ මිලෙන් අඩුවීමත් වර්ණ මාදිලි දෙකකින් මෙම පරිඝණකය ලබාගත හැකිවීමත්ය. එසේම මෙහි තිබෙන අඟල් 10.1 ක විශාලත්වයකින් යුත් LED Display එකද මෙහි අලෙවිය සඳහා බලපා ඇත.

1.6GHz ක වේගයකින් යුත් ඉන්ටෙල් ඇටම් ව්‍රගයේ ප්‍රොසෙසරයක්, ගිගාබයිට් 1 ක ධාරිතාවකින් යුත් Ram එකක්, මෙගාපික්සෙල් 1.3 වෙබ් කැමරාවක් මෙන්ම ගිගාබයිට් 160 ක ධාරිතාවකින් යුත් Hard Disk එකක් මෙහි සවිකර තිබෙනවා. මයට අමතරව WiFi පහසුකම සහ Memory Card එකක් සහ USB Port දෙකක් ද මෙම පරිඝණකයේ තිබෙනවා.

මෙම නෙට්බුක් වර්ගයේ පරිඝණකයේ භාවිතා වන බැටරියට පැය හතරකට සෑහෙන තරමේ විදුලි ගබඩා කර තබාගත හැක. මෙම නෙට්බුක් පරිඝණකය පසුගිය අගෝස්තු මස වෙළෙඳපොළට හඳුන්වාදීමේදී මිල වූයේ US $ 400 කි එනම් රුපියල් 44,500 කට ආසන්න මුදලකි. අද වන විට මෙම පරිඝණකයේ මිල බොහෝසෙයින් අඩුවී තිබේ.

9:50 AM